Esti domingu 18 d'Eneru mos truju, a los pueblus d'El Rebollal, las primeras nievis el añu 2015.
 |
| Cassa nevá en Peñaparda |
Anque los primerus copinus apencipiarun a cael antis de la medianochi, jué tóa la madrugá el domingu cuandu cayó la nievi de verdá, de mó y manera qu'esti domingu amaneció n'El Rebollal con la colol branca de la nievi.
Esta nevá truju unus poquinus de problemas enas carreteras d'El Rebollal las primeras horas del día. Pol mé d'éstu, a
Villarrubias lo mentarun nel
telitestu de TVE, andi ponía que había problemas de nievi ena carretera C-526 entri los kilómetrus 33 y 43 (
dendi Riufríu jasta'l Puertu Peralis). Peru esus problemas dejarun d'estal en cuantis pasó la máquina quitanievis, y al meyudía ya no salía ena teli.
Pol mé el calol (alreol de los 3 ó 4 gráus), a la tardi ya cuasi no quedaba ná de nievi.
Aquí vos deju angunas de las afotus que se pudun jadel esta mañana.
 |
| Praza de Peñaparda |
 |
| Nievi en Peñaparda |
 |
| Caminu en Villarrubias |
 |
| La cabra Ríufríu con nievi |
 |
| Parqui de Payu (afotu de Verónica Mangas) |
 |
| Máquina quitanievis en Peñaparda |
Cuatro copus de na ya son noticia. Antiguamente los cabrerus se quedaban hasta 8 días aislaus sin podel venil a buscal en jatu.Aquella siqui eran nevas
ResponderEliminar