19 dic 2016

La palra y el panderu, otra vés ena teli

La nuestra palra d'El Rebollal y el panderu cuadráu juerun los protagonistas, otra vés, d'un programa de la telivisión. Esta vés, chalrarun d'ellus nel programa "El Arcón", de TVCYL (Telivisión de C. y León), presentáu por el periodista Javier Pérez Andrés.

El programa jidu una vesita a dos de los pueblus d'El Rebollal: Robrea y Peñaparda.

En Robrea, el únicu pueblu de la provincia conos nombris de las callis en leonés, Pérez Andrés chalró con José Luis Varas, el alcaldi, del usu de la palra y el cómu la genti vivi del monti. Dispués charó con Pablo Martín, unu de los justicialis del lugal, que palró alreol el ganáu. Pa acabal en Robrea, el presentaol estuvu ancaá Ángel Iglesias Ovejero, catedráticu de la Universidá d'Orleans (Francia) y prencipal investigaol de la nuestra "palra d'El Rebollal". Con Ángel chalró de los sus oríginis astur-leonesis de la palra, además de qu'es necesariu que los dagalis la apriendan ena escuela.

Y en Peñaparda, el protagonista jué el panderu. Javier Pascual, secretariu del lugal, estuvu chalrandu (con el Charail del Rollu de fondu) del mó y manera especial de tocal el panderu que se conserva en Peñaparda. Dispués la protagonista jué la su dagala, Lucía, que estuvu nel Muséu tocandu el panderu, comu ya jidu hai unus añus en otru de los programas presentáus por Javier Pérez Andrés, "Origeniales". Pa acabal, una chalra con Andrea Mateos de cómu se jadi un panderu cuadráu. No faltó un recuerdu pa la Tia Gora.

El Rebollal golvió a sel protagonista pola nuestra palra, pola nuestra cultura tradicional y pola nuestra naturaleza. El programa, estrenáu el sábadu 10 de Diciembri, podéis velu n'esti enlaci: "Los tres secretos de El Rebollar salmantino"


El Rebollal, al renti los 2.000 habitantis

La comarca d'El Rebollal sigui perdiendu genti. El últimu padrón, pubricáu por el INE (Istitutu Nacional d'Estadística) mos idi que, hogañu, n'El Rebollal vivimus pocu más de dos mil presonas, en total 2.017. El repartu por pueblus, a 1 d'Eneru de 2016, es asina (entri paréntesis, los habitantis del 2015).

 - NAVAFRÍAS:   470   (475).   Ha perdíu 5 habitantis
 - PAYU:   375   (404).   Ha perdíu 29 habitantis
 - PEÑAPARDA:   370   (375).   Ha perdíu 5 habitantis
 - ROBREA:   513   (526).   Ha perdíu 13 habitantis
 - VILLARRUBIAS:   289   (299).   Ha perdíu 10 habitantis

 - TOTAL EL REBOLLAL:   2.017   (2.079).   Himus perdíu 62 habitantis

En total, ena comarca d'El Rebollal himus perdíu 62 habitantis esti añu, de 2.079 a 2.017. Los númerus son peoris si se miran los númerus de los últimus 10 añus (nel añu 2006 éramus 2.305 habitantis) y los últimus 15 añus (nel añu 2000 n'El Rebollal había 2.615 habitantis).

Mos dejarun dos centenarias

La comarca d'El Rebollal se ha queáu, enos últimus días, sin dos de las sus centenarias.

La primera que mos dejó, el 30 de Noviembri, jué la Tia Sandra, nacía en Payu ya hai 104 añus. La Tia Sandra vivía en Moraleja (Cáciris) ancá una sobrina.

Ya el día 9 de Diciembri, la que mos dejó a los 100 añus jué la Señora Isabel del Señor Isidru, nacía en Peñaparda anque vivía en Salamanca. Esti Veranu jidu los 100, y asina lo contamus n'el Parti d'El Rebollal: "La Señora Isabel, de Peñaparda, jadi 100 añus"

El airi y el agua derringan una parés en Peñaparda

La segunda metá el mes de Noviembri truju a Peñaparda una parés derringá nel caminu Guinaldu, pol mé el agua y el airi que jidu esus días n'El Rebollal.
Parés derringá nel Tesitu Mateus, Peñaparda

Estu sería una noticia sin más si no juesi porque n'esa parés, nel Tesitu Mateus, se sostriba un caminu que subi dendi'l Caminu Guinaldu a las cassas el tesu, de mó y manera qu'el caminu ha queáu cuertáu.

Se da el casu de que el caminu ha estáu cuertáu muchus añus pol mé el estal derringá esa mesma parés, peru un pocu más allá, del otru láu d'una cassa. Esi láu de la parés la arregrarun esti veranu, asina qu'el caminu ha estáu abiertu pocu mas de tres mesis. Hogañu güelvi a estal cuertáu.

La casa qu'está juntu  la parés, por suerti, no ha teníu dañu ningunu cona caía los ganchalis, angunus bien grandis, de más de 500 kilus.

29 nov 2016

Las primeras nievis del Tardíu

Esti juevis y, sobri tó, el viernis 25 de Noviembri la nievi se dejó vel, por primera vés n'esti Tardíu, ena comarca d'El Rebollal.

Los pueblus andi más nievi cayó juerun Navafrías y Payu, tanta que tuvun de cuertal, el viernis a la mañana, la carretera entri dambus dos pueblus.

En los demás pueblus d'El Rebollal estuvu nevandu tamién, anque no cuajó. Sí que se han podíu vel neváus los picus del Podu Moru, Jálama y La Jañona.

NOTA:
   - Afotu de las señalis emprestá por José "El Moteru" (Robrea)
   - Afotu de Payu emprestá por Verónica Mangas (Payu)

La nievi cuertó la carretera entri Navafrías y Payu

Nievi en Payu

El Podu Moru neváu

Los jongus juerun los reyis en Villarrubias

El pasáu sábadu 19 de Noviembri se jidu, en Villarrubias, el XIII Jornadas Micológicas ("XIII Día los Jongus") organizáu pola "Mancomunidad Alto Águeda" (Mancomunidá Altu Águeda).

En Villarrubias estuvun alreol de 100 presonas, que cogierun alreol de 150 crasis de jongus, qu'estuvun mostráus nun local del ayuntamientu.

Los participants (y los que quijun estal) tuvun una comía nel restauranti "La Mina" de Villarrubias.

Pola tardi, dio una chalra José Ignacio Gómez Risueño.

Grupu de "jonguerus"

Chalra de J. Ignacio Gómez Risueño








NOTA: Afotus emprestás por Verónica Mangas (Payu)

14 nov 2016

El Día los Jongus de la mancomunidá, esti añu en Villarrubias

La Mancomunidá Alto Águeda va a jadel el su Día los Jongus, qu'esti añu jadi el númeru 13. Esti añu va a sel en Villarrubias, el sábadu 19 de Noviembri.
Cartel de los Jongus
Villarrubias 2016

A las 10 de la mañana se recibi, ena Praza el lugal, a la genti que va a participal

A las 10 y media se sali en grupus al campu pa arrecogel los jongus.

La comía, pa tóa la genti que ha participáu, será a las dos de la tardi nel restauranti "La Mina", allí en Villarrubias.

Pa acabal, se va a ponel una muestra de los jongus arrecogíus, que se van a crasifical, y habrá una chalra jecha por José Ignacio Gómez Risueño.

Pa tó'l que quiera apuntalsi, tieni de tiempu jasta'l martis 15 de Noviembri. La comía costará 12 Eurus (12 €), y se tieni de pagal ena cuenta de Caja España-Duero ES10 2108 2219 28 0031137681

Apencipia un nuevu tallel de trabaju n'El Rebollal

Dendi primerus el mes de Noviembri, ena comarca d'El Rebollal s'está jadiendu un nuevu cursu de trabaju. esta vés pa sacal resina de los pinus.

El cursu, que va a dural 9 mesis, es pa genti sin trabaju, y ha entráu genti de los cincu pueblus d'El Rebollal: Navafrías, Payu, Peñaparda, Villarrubias y Robrea.

Navafrías estrena escudu y bandera

El pueblu de Navafrías estrenó escudu y bandera el pasáu mes de Otubri.
Escudu de Navafrías

El acuerdu lo tomarun nel plenu que jidun el día 17 d'Agostu, y jué pubricáu nel Periódicu Oficial de la Provincia de Salamanca (BOP) el viernis, 7 d'Otubri del 2016.

El escudu está dividíu en cuatru partis:
 - Ena primera parti, sali la ilesia por sel el edificiu prencipal del lugal
 - Ena segunda parti sali un león rampanti por estal Navafrías en drentru el históricu Reinu de León
 - Ena tercera, la crús de la Ordin d'Alcántara, en drentru la qu'estuvu Navafrías
 - Ena cuarta, una rama de robri, por estal en drentru la comarca d'El Rebollal

24 oct 2016

Afecha la Cabaña el Karacolito

La Cabaña el Karacolitu, la taberna de Payu, afechó las sus puertas a finalis el mes de Setiembri. Con éstu, Payu se quéa con tres tabernas, tóas alreol de la Praza el lugal. "El Karacolito" estaba a las ajueras, con vistas a la Sierra.
Cabaña el Karacolito

Jose y Paloma, que lo han lleváu estus tres añus, quijun dal las gracias a tólus sus creyentis d'estus añus.

N'estus tres añus, se organizarun cossas comu la chalra de la "palra d'El Rebollal" y la "fala del Val de Xálima" que se jidu nel mes de Noviembri de 2015.

El cochi de línea, cá vés menus días

El cochi de línea a Ciarrodrigu, que antañu pasaba tólus días polus pueblus d'El Rebollal, se quéa en lo mínimu. Asina, dendi mediáus el mes de Setiembri,el cochi de línea va a passal ná más los martis (día del mercá la verdura en Ciarrodrigu) y los juevis.

Las razonis son la poca genti que cogi a diariu el cochi de línea, lo que jadi que la línea sea pocu rentabri. Y es que, al habel menus genti en los pueblus, y al habel más cochis en ellus, la mayoría de la genti va en cochi particulal, ya sea el suyu o el d'un vedinu, lo que jadi qu'el cochi de línea vaya mediu vadíu muchus días.

José Benito deja el PREPAL

José Benito Mateos Pascual deja el PREPAL (Partíu Regionalista el País Llïonés). Sigún idi, es pol mé la falta de futuru y confianza nel partíu, atrasáu nel mó y manera de jadel las cossas y paráu cuasi jasta el tiempu los votus. Asina, esti mes de setiembri decidió dejal el partíu.


José Benitu ha síu candatu al Senáu y a las Cortis de C. y León dendi’l añu 2004. Los sus mejoris resultáus juerun los 729 votus pal Senáu nel añu 2012, y los 628 votus pa las Cortis del añu 2011.

13 oct 2016

Villarrubias golvió a disfrutal de Santu Ferinu

El pueblu de Villarrubias golvió a disfrutal conas fiestas del su patrón, Santu Ferinu (26 d'agostu).

Aparti de los ya sabíus misa al santu, incierrus, capeas y verbenas, lo más destacáu de las fiestas juerun la paella en Riufríu y el levantamientu el pinu.

Aquí vos deju angunas afotus.

Paella nel Riufríu

El pinu

Incierru a caballu

NOTA:
 - AFOTU PAELLA: José Benito Mateos
 - AFOTU PINU: Jose "El Moteru"
 - AFOTU INCIERRU: Rubén Mateos

26 ago 2016

Payu s'enllena de música con el Festival Folclóricu "La Sartén Charra"

El pasáu sábadu 13 d'Agostu, el pueblu de Payu golvió a jadel el su Festival Folclóricu, "La sartén charra".

Además del grupu "Jálama" de Payu (nel questá el qu'estu escribi, anque no salga enas afotus), estuvun tamborilerus de la escuela de Ciarrodrigu, además de tamborilerus comu José, d'Aldeadávila, o Berna, de Cabrerizus. Estuvu tamién el músicu zamoranu Alfredo Domínguez Prada que, en compaña de Marta, María, Marta y Berna, tocó un puñáu de sonis tradicionalis. Esti añu, la "Sartén Charra" se le dio a Berna Pérez, tamborileru de Cabrerizus y del grupu folk "Folk on Crest", pola su defensa de la cultura tradicional. Esti premiáu a uñi asina a la lista juntu a Verónica Mangas (2015), Lauri (2014), Consuelo (2013) y José Benito Mateos "TXEBE" (2012).

El Festival Folclóricu acabó a la nochi con el conciertu del grupu leonés "Tarna".

Comu novedá, esti añu se jidu, juntu con el festival, el I Mercáu d'Artesanía. Tamién, comu novedá, estuvu presenti la lengua leonesa, lo mesmu enos cartelis del Festival (con muchas cosinas escritas ena nuestra palra d'El Rebollal) comu nel conciertu de Tarna, que cantarun angunas de las sus tonás en leonés (nel mó y manera de la provincia de León).

Tamborilerus de la escuela de Ciarrodrigu

José d'Aldeadávila (izq) y Berna (dcha)

Berna Pérez, Sartén Charra 2016
Bailandu al son de la dulzaina


Alfredo, Marta, María, Marta y Berna

Conciertu del grupu "Tarna"

Cartel del Festival Folclóricu

10 ago 2016

Las bicis güelvin a correl los caminus d'El Rebollal

Esti domingu 7 d'Agostu se jidu la "VII Marcha BTT La Villa" (VII Marcha en Bici de Montaña), organizá por el C.D. El Charail.

Con salía y llegá a la Praza Mayol de Peñaparda, la marcha ajuntó a unus 60 ciclistas. Se podía correl de dos mó y maneras: una marcha corta, de 32 km, y una larga, de 48 km, dambas dos polus caminus de Peñaparda y d'El Rebollal.

Además de la carrera de bicis, el C.D. El Charail tamién jidu, el martis 9 d'Agostu, una comía populal, qu'esti añu dejó de láu la paella pa comel un pratu más arrimáu a las nuestra tradicionis, cachuelus con carni. Además de lo nuevu nel menú, las gentis del C.D. El Charail tuvun a bien ponel el menú ena nuestra palra d'El Rebollal. Asina, enos cartelis se pudu leel "cachuelus con carni".

Ena comía estuvun alreol de 120 presonas, que pudun repetil de carni. La tardi el martis acabó cona música de una charanga.

Ciclistas polas callis de Peñaparda

Ciclistas polas callis


Cachuelus con carni ena Praza

3 ago 2016

La Mancomunidá jidu la su fiesta en Payu

El pueblu de Payu recibió, el domingu 31 de Juliu, la Fiesta de la Mancomunidá Altu Águeda.

Duranti tó'l día se pudun vel, polas callis del lugal, los tenderilis el mercáu d'artesanía (alreol de 30). Además, hubu tamién una muestra de ganáu y otra de trajis de charru.

La Fiesta apencipió con los alcaldis palrandu encima el tabráu. Estuvu comu envitáu el Presidenti de la Cámara de Sabugal, concellu portugués con el que la nuestra comarca comparti muchas cosas, entre las que podemus destacal la hestoria, pos Sabugal jué parti el nuestru Reinu de León jasta'l Tratáu d'Alcañicis (1297).

Dispués de la chalra los alcaldis, le tocó el turnu al grupu "Jálama", que jidu una muestra de los bailis de Payu, lo mesmu al son de la sartén de Verónica Mangas comu de la gaita y el tamboril de José Benito Mateos "TXEBE".

La hora de comel tuvu de protagonista a la paella, que tóa la genti (feriantis, bailaoris, alcaldis, públicu) pudu probal ena comía populal.

La Fiesta la Mancomunidá acabó con el conciertu el grupu estremeñu "Manantial Folk".

Pa'l sotru añu, la Fiesta la Mancomunidá será en Peñaparda, tamién ena nuestra comarca d'El Rebollal.

Grupu "Jálama" de Payu

El burru-taxi polas callis de Payu

Tenderilis del mercáu

El grupu estremeñu "Manantial Folk"

Muestra de trajis de charru

1 ago 2016

Peñaparda jidu la su Fiesta el Panderu. Y van XVII...

La XVII Fiesta el Panderu truju a Peñaparda musica y bailis, qu'enllenarun el pueblu el viernis y el sábadu.

El viernis 29 de Juliu, primel día de la fiesta, apencipió con una chalra alreol el panderu cuadráu jecha por Raúl Benito. La chalra estuvu acompañá, nel mesmu lugal, d'una muestra d'afotus jechas por Juana Andrés, y d'otra muestra de dibujus de charrus de Peñaparda jechus por el pintol Carlos Medina. A la tardi hubu tamién baili de sevillanas.

El sábadu 30 de Juliu jué el día prencipal de la Fiesta el Panderu. La mañana apencipió conos tenderilis el mercáu artesanal y un pasacallis polus tamborilerus José Benito Mateos "TXEBE" y Juan Antonio Muñoz "Juanan".

Ya a la tardi jué el festival folclóricu, con el grupu de dagalis de Peñaparda, el Baili el Ofretoriu, el grupu "Sedeiro" de Zamora y el grupu folclóricu de Peñaparda. Además, se entregó el Panderu d'Honol al folclorista Joaquín Díaz.

La XVII Fiesta el Panderu acabó a la nochi, con el conciertu de "Gabriel Calvo y la Fabulosa Retahíla".

Baili de sevillanas

La palra presenti en unu de los
tendilis el mercáu

Grupu de dagalis de Peñaparda

Joaquín Díaz, Panderu d'Honol 2016

Grupu "Sedeiro" de Zamora

Conciertu de Gabriel Calvo
y la Fabulosa Retahíla

29 jul 2016

El panderu cuadráu y la Mancomunidá train un fin de semana de fiesta a la comarca d'El Rebollal

La comarca d'El Rebollal güelvi a vestilsi de fiesta, esta vés pol mé el panderu cuadráu y la mancomunidá Alto Águeda (Altu Águeda).

Peñaparda jadi la su XVII Fiesta el Panderu Cuadráu. El viernis es la chalra alreol el panderu (19:00), jecha por Raúl Benito, cona compaña d'una muestra d'afotus jechas por Juana Andrés, y una de dibujus jechus por el pintol Carlos Medina. Dispués (20.30) se jadrá baili de sevillanas ena Praza. El sábadu habrá un pasacallis a la mañana (11:00) y unus tenderilis d'artesanía. A la tardi, será el festival con el Baili el Ofretoriu, el charru del grupu de Peñaparda y el grupu "Sedeiro", de Zamora. Se le dará el Panderu d'Honol al folclorista Joaquín Díaz. A la nochi, la fiesta terminará con el conciertu de "Gabriel Calvo y la Fabulosa Retahíla" (23:00).

La fiesta sigui en Payu, andi se jadrá la Fiesta la Mancomunidá. A la mañana s'abrirán los tenderilis d'artesanía. Seguirá a mañana con el folclori del grupu "Jálama" de Payu (12:30). Duranti tó'l día habrá una muestra de ganáu, otra de trajis de charru, otra d'afotus,... A las 14.30 será la comía populal. A la tardi, habrá juegus pa los dagalis (16:30). La fiesta acabará a última hora de la tardi, con e conciertu el grupu estremeñu "Manantial folk" (20:00).

Cartel Fiesta de la Mancomunidá

Cartel de la VII Fiesta el Panderu

Un cambión volcáu cuerta la carretera de Coria cerca de Perosín

El martis 26 de Juliu, un cambión cargáu d'alpacas se salió de la carretera ena curva el kilómetru 41, en yendu en direición Coria, mú cerca de Perosín, antis de llegal al Puertu Peralis, al láu la pista que va a Payu.
Cambión volcáu

El cambión queó volcáu a la orilla la carretera, y tuvun qu'ussalsi varias grúas p'enderedalu, de mó y manera que la carretera C-526, la que ui Ciarrodrigu y Coria, estuvu cuertá angunas horas.

AFOTU: Rubén Mateos Pascual

II Carrera por el Monti de Payu

El domingu 17 de Juliu de 2016 se jidu, en Payu, la II Xálima Trail (Carrera por el Monti).

Esti añu había tres mó y maneras de participal: corriendu 14 kilómetrus, corriendu (o andandu) 7 kilómetrus y la carrera en bici de montaña.

La carrera de los 14 kilómetrus, qu'está en drentru el circuitu de carreras de la Diputación de Salamanca, la ganó el correol James Moyben, de Kenia, del "C.D. La Armuña", con 54' 42" de tiempu total. En mujeris, la ganaora jué Verónica Sánchez, de "Atletas Veteranos", con un tiempu de 1h 03' 49".

Ena carrera de 7 kilómetrus ganarun, en hombris, Domingo José Luna (34' 29")y, en mujeris, Andrea Ramos (42' 57").

Salía de la carrera

Grupu de caminantis

NOTA: Afotu de la salía: José Manuel Pintado

Afotu de los caminantis: Verónica Mangas

16 jul 2016

La Señora Isabel, de Peñaparda, jadi 100 añus

Isabel García, la Señora Isabel, jidu el pasáu 7 de Juliu 100 añus.
La Sra. Isabel tocandu pa'l discu
"El pandero cuadrado de Peñaparda"

Isabel García, del pueblu de Peñaparda, es bien conocía en tó'l lugal, pos antañu tuvu una taberna con el su hombri, el Señol Isidro. Es tamién conocía nel mundu del folclori por habel salíu en dos discus: "Antología de la Música tradicional Salmantina", dirigía por Ángel Carril (añu 1986, con tres sonis) y "El pandero cuadrado de Peñaparda" dirigíu por Gabriel Calvo (añu 2002, con una toná). Unu de los temas qu'ella grabó, el ajecháu "Cuando la zorra viene", es unu de los más versionáus por tólus grupus e intérpretis de música folk, entri ellus el grupu "Folk on Crest" o Eliseo Parra.

Asina, la Señora Isabel (100) entra ena lista de los centenarius de Peñaparda, lista en drentru la qu'están la Tia Gora (110), la Tia Lonisia (107), la Tia Anastasia (102) y el Tiu Miguel "Gatu" (102, entovía vivu).

NOTA: afotu arrecogía del discu "El Pandero cuadrado de Peñaparda"

29 jun 2016

Votus al Senáu 2016 n'El Rebollal

NAVAFRÍAS

Gonzalo Jesús Robles Orozco               (PP)                149
Francisco Javier Iglesias García            (PP)                147
Esther Basilia del Brío González          (PP)                146
Rosa María López Alonso                      (PSOE)           96
Alfonso Buenaventura Calvo González (PSOE)      94
María del Carmen Juanes Barciela     (PSOE)           90
José Antonio Mateos Temprano   (PODEMOS)      22
María Isabel López Blázquez                (IU)                 22
Susana Luengo Gallego                 (PODEMOS)         20
Ana Suárez Otero                                    (C’s)               13
Liduvino Barbado Sastre                        (C’s)               10
José Ramón Santos Santos                   (C’s)               6
Vicente Justo Hermida                           (UPYD)          2
José María Medina Gómez                   (PACMA)      1
María Teresa Román Luis                      (PACMA)      1
Juan Manuel Andrés López                  (PREPAL)      1
Miguel Ángel Diego Núñez                   (PREPAL)      1
Manuela Iglesias Carreño                     (PREPAL)      1


PAYU

Gonzalo Jesús Robles Orozco               (PP)                123
Francisco Javier Iglesias García            (PP)                123
Esther Basilia del Brío González          (PP)                123
Rosa María López Alonso                      (PSOE)           84
Alfonso Buenaventura Calvo González (PSOE)      82
María del Carmen Juanes Barciela     (PSOE)           81
María Isabel López Blázquez                (IU)                 16
José Antonio Mateos Temprano   (PODEMOS)      14
Susana Luengo Gallego                  (PODEMOS)         13
Liduvino Barbado Sastre                        (C’s)               11
Ana Suárez Otero                                    (C’s)               11
José Ramón Santos Santos                   (C’s)               10
Juan Manuel Andrés López                  (PREPAL)      2
Miguel Ángel Diego Núñez                   (PREPAL)      1
Manuela Iglesias Carreño                     (PREPAL)      1


PEÑAPARDA

Gonzalo Jesús Robles Orozco               (PP)                122
Francisco Javier Iglesias García            (PP)                122
Esther Basilia del Brío González          (PP)                122
Rosa María López Alonso                      (PSOE)           93
Alfonso Buenaventura Calvo González (PSOE)      93
María del Carmen Juanes Barciela     (PSOE)           92
Susana Luengo Gallego                 (PODEMOS)         11
José Antonio Mateos Temprano   (PODEMOS)      10
María Isabel López Blázquez                (IU)                 10
Liduvino Barbado Sastre                        (C’s)               9
José Ramón Santos Santos                   (C’s)               9
Ana Suárez Otero                                    (C’s)               8
Vicente Justo Hermida                           (UPYD)          1


ROBREA

Francisco Javier Iglesias García            (PP)                141
Gonzalo Jesús Robles Orozco               (PP)                140
Esther Basilia del Brío González          (PP)                139
Rosa María López Alonso                      (PSOE)           89
Alfonso Buenaventura Calvo González (PSOE)      86
María del Carmen Juanes Barciela     (PSOE)           84
José Antonio Mateos Temprano   (PODEMOS)      32
Liduvino Barbado Sastre                        (C’s)               30
María Isabel López Blázquez                (IU)                 30
Susana Luengo Gallego                 (PODEMOS)         28
Ana Suárez Otero                                    (C’s)               24
José Ramón Santos Santos                   (C’s)               21
Vicente Justo Hermida                           (UPYD)          2
Antonio Cruz Fernández                        (UPYD)          1
María del Pilar Sánchez Marcos          (UPYD)          1
Manuela Iglesias Carreño                     (PREPAL)      1
María Araceli Noguera Montero (RECORTES 0)     1
Mario López Pascua                                (PCPE)           1


VILLARRUBIAS

Gonzalo Jesús Robles Orozco               (PP)                94
Francisco Javier Iglesias García            (PP)                94
Esther Basilia del Brío González          (PP)                94
Rosa María López Alonso                      (PSOE)           49
Alfonso Buenaventura Calvo González (PSOE)      47
María del Carmen Juanes Barciela     (PSOE)           47
Liduvino Barbado Sastre                        (C’s)               7
Ana Suárez Otero                                    (C’s)               7
José Ramón Santos Santos                   (C’s)               7
José Antonio Mateos Temprano   (PODEMOS)      4
María Isabel López Blázquez                (IU)                 4
Susana Luengo Gallego                 (PODEMOS)         4
Susana Alonso Porras                             (PACMA)      1
Vicente Justo Hermida                           (UPYD)          1
Antonio Cruz Fernández                        (UPYD)          1
María del Pilar Sánchez Marcos          (UPYD)          1


TOTAL VOTUS AL SENÁU N’EL REBOLLAL

Gonzalo Jesús Robles Orozco               (PP)                628
Francisco Javier Iglesias García            (PP)                627
Esther Basilia del Brío González          (PP)                624
Rosa María López Alonso                      (PSOE)           411
Alfonso Buenaventura Calvo González (PSOE)      402
María del Carmen Juanes Barciela     (PSOE)           394
José Antonio Mateos Temprano   (PODEMOS)      82
María Isabel López Blázquez                (IU)                 82
Susana Luengo Gallego                 (PODEMOS)         76
Liduvino Barbado Sastre                        (C’s)               67
Ana Suárez Otero                                    (C’s)               63
José Ramón Santos Santos                   (C’s)               53
Vicente Justo Hermida                           (UPYD)          6
Juan Manuel Andrés López                   (PREPAL)      3
Manuela Iglesias Carreño                     (PREPAL)      3
Antonio Cruz Fernández                        (UPYD)          2
María del Pilar Sánchez Marcos          (UPYD)          2
Miguel Ángel Diego Núñez                   (PREPAL)      2
José María Medina Gómez                   (PACMA)      1
Susana Alonso Porras                             (PACMA)      1
María Teresa Román Luis                      (PACMA)      1
María Araceli Noguera Montero (RECORTES 0) 1
Mario López Pascua                                (PCPE)           1


PARTÍUS

PP (Partíu Populal)
PSOE (Partíu Socialista Obreru Español)
PODEMOS (Uñíus Podemus)
C’s (Ciudadanus)
PREPAL (Partíu Regionalista el País Leonés)
UPYD (Unión, Progresu y Democracia)
PACMA (Partíu Animalista Contra el Mal tratu a los Animalis)
RECORTES CERO – GRUPO VERDE (Recortis Ceru – Grupu Verdi)
PCPE (Partíu Comunista de los Pueblus d’España)

Votus al Congresu 2016 n'El Rebollal

El pasáu 26 de Juniu juerun los Votus pa escogel a los deputáus y senaoris, ena repetición de los Votus del 20 de Diciembri, al no habel conseguíu ningunu llegal a sel Presidenti. Vamus con los votus pa’l Congresu


NAVAFRÍAS

PP                   154 (53,10%)
PSOE             91 (31,38%)
PODEMOS   28 (9,66%)
C’S                  15 (5’17%)
PCPE              1 (0,34%)
RECORTES 0 1 (3,34%)

Brancus        0 (0,00%)
Malus           3 (1,02%)
TOTAL           293 (68,14%)


PAYU

PP                   131 (53,04%)
PSOE             82 (33,20%)
PODEMOS   16 (6,48%)
C’S                  16 (6’48%)
UPYD             1 (0,40%)

Brancus        1 (0,40%)
Malus           0 (0,00%)
TOTAL           247 (71,59%)


PEÑAPARDA

PP                   130 (50,19%)
PSOE             97 (37,45%)
PODEMOS   20 (7,72%)
C’S                  10 (3’86%)

Brancus        2 (0,77%)
Malus           2 (0,77%)
TOTAL           261 (75,43%)


ROBREA

PP                   148 (45,68%)
PSOE             93 (28,70%)
C’S                  42 (12’96%)
PODEMOS   39 (12,04%)
PREPAL         1 (0,31%)

Brancus        1 (0,31%)
Malus           2 (0,61%)
TOTAL           326 (72,93%)


VILLARRUBIAS

PP                   92 (56,79%)
PSOE             45 (27,78%)
C’S                  13 (8’02%)
PODEMOS   8 (4,94%)
PCPE              1 (0,62%)
RECORTES 0 1 (0,62%)
UPYD             1 (0,62%)

Brancus        1 (0,62%)
Malus           3 (1,82%)
TOTAL           165 (65,12%)


VOTUS AL CONGRESU N’EL REBOLLAL

PP                   655 (50,70%)
PSOE             408 (31,58%)
PODEMOS   111 (8,59%)
C’S                  96 (7,43%)
PCPE              2 (0,15%)
UPYD             2 (0,15%)
RECORTES 0 2 (0,15%)
PREPAL         1 (0,08%)
Brancus        5 (0,39%)
Malus           10 (0,77%)
TOTAL           1292 (70,22%)
TOTAL CENSU         1840


PARTÍUS
PP (Partíu Populal)
PSOE (Partíu Socialista Obreru Español)
C'S (Ciudadanus)
PODEMOS (Uñíus Podemus)
RECORTES 0 (Recortis Ceru)
UPYD (Unión, Progresu y Democracia)
PCPE (Partíu Comunista los Pueblus d’España)

PREPAL (Partíu Regionalista el País Leonés)